طالبة تنام بدون أكل فى منزل شقيقتها

المشكلة اللى هنعرضها دلوقتى مش من حد كبير ولكن من طالبة صغيرة ولكنها مؤثرة جدا وتدل على مدى قيمة الاب والام فى حياة كل بنت .

احنا هنعرض المشكلة زى ماهى وبعدين نقول الحل .

فتاة ثانوى تنام بدون أكل

هيا مش مشكلة اوي بس عاوزه حد يقولي اقتراحات لحلها.
انا في طالبة فى 2 ثانوي وبعد وفاه ماما روحت اعيش مع اختي اللي مش شقيقه هيا وجوزها لان بابا كمان متوفي،واختي دي مفيش اي علاقه جامده بتربطنا لاننا مكناش بنشوف بعض يمكن كل سنه مره او سنتين لانها كانت في محافظه تانية.
مفيش مشاكل الحمد لله ومش بيكرهوني يمكن هما ناسيني اصلا انا هادية جدا ومش بحسس حد بوجودي ،والمشكلة بس اني بقعد جعانه عندهم اوي.
هما بيصحوا متأخر جدا وجوزها فاتح محل بيفتح بعد الظهر بكتير وبيرجع متاخر وعيالها أطفال صغيرين ،وبيفطروا الساعه 2 الظهر مثلا او 3 وبيتغدوا الساعة 12 او 1 بليل.
انا بصحي بدري اوي لاني بدرس وحتي في الاجازه اتعودت بقوم ادور علي اي حاجه افطر ملقاش هما بيشتروا فطار بعد الظهر انا بفطر اي حاجه موجوده ان لاقيت ملقتش باكل شاي وعيش.

طرق حصولها على الاكل

ولما يجوا يفطروا بيكون ده غدايا بتغدي معاهم من الفطار ده لو حد ندهلي.
وساعات كتير مبيعزموش عليا اكل وبتكسف انا اقوم من نفسي اكل انا عندي عزه نفس رهيبه
وبفضل طول اليوم جعانه ولو لاقيت بواقي اكل من الفطار باكل ملقتش بسكت.
واختي بتجيب الاكل بعد العشاء وبتطبخ علي 10 او 11 بليل لانهم بيتغدوا 12 او 1 وساعات 2وطبعا وانا بكون نمت اصلا .
انا عاوزه طريقه الفت بيها نظر اختي انها تعمل الاكل بدري عشاني لاني ببقي جعانه وبتكسف اتكلم وهما نظام حياتهم كده مش متعمدين يعني بس ناسيني خالص وانا بجد بتكسف اوي عاوزه طريقه تخلي اختي تاخد بالها بدون ما اتكسف وخصوصا اني مش بيبقي معايا فلوس خالص لان المعاش بتاخده هيا وبتصرف منه عليا فلازم احل المشكلةدي.

حل بسيط للمشكلة 

الحل: طبعا زى ما شوفنا مشكلة مؤثرة والخل بطريقة بسيطة ان تتحدثى مع اختك انكى ستبحثين على شغل وعندما تسألك لية تقوليلها عشان اساعدك فى فلوس الاكل ومحبش أقعد وانا مكلفاكم وهنا هيتلفت نظرها وتفهيمها ان بطنك بتوجعك من قلة الأكل