ابويا مات وعايزين نعمل فرح أختى

المشكلة اللى هنعرضها فى حال الناس غريبة شوية وبتين أد اية الخلل اللى حصل فى المجتمع .

المشكلة ارسلتها احدى العضوات وملخصها ان والدها لسة متوفى وأختها فرحها كمان شهر وعايزين يعملوه ومش بس كدا عايزين امها تحضر الفرح .

تفاصيل المشكلة العجيبة

تعالوا نشوف المشكلة دى ما ارسلتها ..ابويا اتوفي امبارح واختي فرحها كمان شهر وعشرة ايام ومش هينفع تتأجل لان جوزها مسافر ومش هيعرف ينزل أجازه تاني وكمان حجزنا القاعة وكل حاجه والشقة خلصت من كل حاجه حتي العفش وكمان بيدفعوا ايجار كتير اوي كل شهر ولو اتاجل هيحصل مشاكل كتير عاوزه شيخ بس يقولي ينفع امي تحضر فرح اختي ولا حرام شرعا ؟

ملحوظة أختى مش فرحت خالص ونفسها تفرح مش اتعملها خطوبة ولا اي حاجه ونفسنا نفرحها وكمان دافعين فلوس كتير اوي للقاعة ولو اتلغت ما فيش فلوس هتتاخد خالص.

حل سهل وبسيط لمشكلة الاخت

طبعا من الواضح اننا بنعانى من خلل واضح بمعنى لسة والدك متوفى امبارح يعمى الابجديات انك فى مرحلة حداد وحزن ولكن الغريب انك بتفكرى فى فرح أختك قبلها ب٤٠يوم ودا شئ غريب ايضا ولكن عشام نكون منطقيين من الممكن سحب فلوس القاعة خاصة ان هناك ظرف طارئ وكمان بيبقى مدفوع عربون فقط وليس المبلغ كامل وفى الغالب بيخصموا جزء بسيط ومن الممكن ان يتم توفير هذة الفلةس ويسافروا بيها شهر عسل فى اى مكان ويكتفوا بكتب الكتاب فقط دا لو فى حالة انها حزينة على أبوها .

ثانيا بالنسبة لحضور أمك الفرح فيبدو انك نسيتى أنها لاتخرج لمدة أربع شهور وعشرة أيام وهذا هو الشرع وكمان لايعقل أنها حزينة علية وأنتم نفس الشئ وتفكرون فى تجهيزات الفرح من ثانى يةم الوفاة فهذا لايعقل وقصة ان العريس هذة اخر اجازة له فهو بالطبع سيقدر الظروف ومن الممكن ان يكتفوا بعقد الرقان فقط ولن يرفض وفى حالة ما حدث العكس فالاولى عدم أتمام هذا الزواج لأن فى هذا التوقيت لأيؤتمن ولم يراعى ظروفكم اللارادية نهائيا .

وبالطبع اذا فعلتم عكس ذلك فسوف يتسبب فى جرح وحزن لاقاربكم الذين بالطبع لن يحضروا هذا الفرح بل وسيكون هناك مقاطعة .