سلفتى بتغير منى وبتعملى مشاكل

بالطبع تكثر المشاكل داخل الزوجات المقيمين فى بيت العيلة وزى ما اتعودنا فى حال الناس هنناقش كل مسائل صديقات صفحة اسمع كلام ستك والنهاردة مشكلة جديدة صاحبة هذة المشكلة  تعانى من افعال سلفتها تعالوا نشوف مشكلتها زى ما أرسلتها .

سلفتى تتفنن فى صنع المشاكل وانا عند حماتى 

السلام عليكم لو سمحتوا ممكن بعد اذنكم تسعدونى في حل مشكلتى لانى بجد مخنوقة جدا وحاسة انى هيجرالى حاجه وانا دلوقتي   متجوزه ومعزولة من بيت العيلة بسبب حماتى هى  صعبه شوية  في التعامل ودايما بتقوم  بسب بالاهل وأنا ماموافقتش على ده .

المهم سلفتى كان مسافره وبعد ما ابنى مات رجعت البيت مع حماتى باولادها الثلاثة فبدات بقى تورينى العين الحمرا  ساعتها عرفت أن حماتى كانت رحمه كبيرة  عنها بتغيير منى جدا و المشكلة دلوقتي هى أن أنا كل ما انزل تحت عند حماتى تعمل مشكلة وتزعق وتتلكك على اى حاجه عشان تعملى مشكلة ودون ذلك فى مقابلاتنا العادية من المستحيل أن صوتها يعلو وتبقى كويسة ونعم وحاضر بس أما أنا لو نزلت البيت كله بيولع بسببها وأنا والله العظيم   بعامل ربنا فيها وكل اللى عندى والحلو كله ليها ولعيالها.

لاتصلح كصديقة نهائيا 

بس هى الصراحة لاتصلح نهائيا انها تكون صاحبة  وأنا غلبت ومحتاره اعمل ايه هتقولولى ما تنزليش ما ينفعش لانى شغلى كله يعتبر معاهم فى  تربيه طيور وكل حاجه ساعدونى ازاى اقدر اخليها لما تشوفنى ما تحسسنيش أنى بنزل بالهم معايا واسفه أوى طولت عليكم.

حل ستو : فى البداية أى انسان يسهل التعامل معه حتى لو كان بيكرهك او مبيحبكيش ببساطة شديدة كل ما تعمل معاكى أى إساءة تجاهليها تماما وكمان حتى لو أدام حماتك أو غيرها ودايما تحاولى تكبرى اللى معاكى مثلا لو عملت كدا امام حماتك تكبرى حماتك وتقوليلها أن حماتى اللى هتخدلى حقى فتسببى إحراج ليها حتى لو هى اللى قايللها فتضطر تتدخل وكمان هتحللك المشكلة وفى نفس الوقت عدم ردك لأى محاولة لعمل مشكلة هيضايق الطرف التانى وهنا احتمالين أما تسكت او الاحتمال التانى تزيد فيها وبالتالى يبقى كله يعرف أنها على خطأ.