شاهد ..سحل ابن الزعيم بسيارة ملاكى فى الشارع

الفن بهدلة هذا مايحدث مع بعض الفنانين خاصة فى ادوار الأكشن وهو ما تم مع الفنان محمد إمام ابن الزعيم عادل إمام وتحديدا اثناء فيلم ليلة هنا وسرور الذى قام ببطولتة حيث ظهر فى احد الصور وسيارة تجره بطريقة السحل وايضا صورة أخرى وهو يقفز من مكان مرتفع .

مشهدين لن ينساهم محمد إمام فى فيلم ليلة هنا وسرور

وذلك يجسد مدى المعاناة التى لاقاها محمد إمام فى هذا الفيلم الذى حقق نجاح كبير عند عرضة فى عيد الفطر الماضى .

وقد نجح محمد فى هذا الفيلم من أن يقوم بمزج الكوميديا بالأكشن بصورة مبسطة

وقد نشرت صفحة شركة سينرجى المنتجة للفيلم مجموعة من الصور داخل كواليس تصوير الفيلم  وكتبت تعليق بجملة واحدة وهى الفن بهدلة والأكشن مش بالساهل.

محمد إمام يفاجئ جمهورة بمشهد كوبرى قصر النيل 

وكان محمد إمام قد فاجئ   متابعيه على إنستجرام بالكشف عن كواليس مشهد من أصعب المشاهد التى صورها خلال فيلمه الأخير ليلة هنا وسرور مع الفنانة ياسمين صبرى.

حيث كتب محمد إمام عن أصعب المشاهد اللى قام بتصويرها مع ياسمين صبرى حيث قال المشهد أننا بنجرى بالبيجامة والروب على كوبري قصر النيل يوم الخميس بالليل واللى أول مرة تعرفوه إن واحنا بنجرى ياسمين وقعت منى فى وسط الكوبرى وقعدت تعيط على الأرض.

لحد ما عربية الإنتاج جت بسرعة وركبنا فيها ومشيت وأنا من كتر اللهوجه نسيت أركب معاهم وفجأة لقيت نفسى واقف لوحدى بالروب وحافى فى وسط أمة لا إله إلا الله وعاوزين كلهم يتصورا معايا أو اتصورا خلاص .

والدنيا اتقلبت وأنا مش لاقى ولا حد من التصوير لحد ما لقيت واحد صاحبى معدى بالصدفة بعربيته ولحقنى وفى نفس الوقت طقم التصوير بيدورا عليا ومش عارفين أنا فين، كان يوم صعب بس عدي على خير الحمد لله والمشهد طلع لطيف جدا.

وفيلم ليلة هنا وسرورمن بطولة محمد عادل إمام و ياسمين صبرى و فاروق الفيشاوى و بيومى فؤاد و رحاب الجمل و محمد سلام و ولاعب المصارعة العالمى كرم جابر ومن وتأليف مصطفى صقر ومحمد عز الدين وإخراج حسين المنباوى.