حال الناس مفتوح للجميع ودى مشكلة من البيوت المصرية جاتلنا من مهندس زراعى تعالوا نشوف قال أية .

انا مهندس زراعى اول لما اتجوزت كنت فاتح قهوة و اختلفت مع الشركاء و المشروع قفل و خسرت مبلغ محترم,فاكتفيت بالوظيفة لان فلوس ورثى ضاعت فى المشروع,انا متجوز و العيشة تمام بس احيانا مراتى بتاخد فلوس من اهلها لانهم مرتاحيين اوى,مراتى فاشلة فى التعليم دبلوم سياحة و كانت بتشتغل فى المطاعم و الفنادق طباخة.

زوجتى تشارك فى محل كبدة 

بعد الجواز قعد ت فى البيت و خلفنا ولد انشغلت فيه,من فترة قعدت تتكلم مع واحدة مطلقة جارتى و اتصحبوا اوى و شوية لقيت صحبتها بتفتح محل سندوتشات,مراتى كانت بتقولى انا بساعدها بس و اكتشفت انهم متشاركين,و فجاءة بقت تشترى دهب كتير,و هدوم و هدوم للولد و تخرج و ترجع بعد ميعاد شغلى,قلت لها مفيش شغل تانى تقولى مينفعش,اجيبها يمين و شمال تقولى احنا شركاء ,و لما سألتها مقولتيش ليها ليه؟تقولى علشان خفت تزعل علشان مشروعك فشل,و احنا محتاجين فلوس علشان ابويا و امى و تلقيح الكلام عليا انك فاشل.

و لما سالت جابت الفلوس منين تقولى بعت دهبى,اقولها المفروض كنتى تقولى قبل ما تبيعى تقول ده دهب جايه بيه من بيت ابويا و انا اتجوزتك بدبلة, انا حلفت عليها تبقى طالق لو مسبتش الشغل,قالت لى براحتك و دلوقتى مش عارف هى كده طالق ولا لا؟ لانها بتقولى انا هكبر المكان و انت منفسن و انت اللى فاشل كل ده علشان قلت لها كام مرة انها دبلوم و مفيش مدرسة محترمة هتقبل ولد امه جاهلة!.

حل المشكلة الكبيرة 

حل ستو :للأسف من الواضح ان هناك تراكمات بينك وبين زوجتك وهى سعت جاهدة ان تثبت لك عكس كلامك لها بانها فاشلة دا من ناحية ومن ناحية ثانية أهانتك لها الدائمة وهذا خطأ وقصة الطلاق فهى محتاجة لصاحب فتوى وأن كانت طالق فستردها أذا كانت الطلقة الأولى وفى نفس الوقت تثبت لها العكس مادام سمحت من الاول بنزولها وتأخيرها فى العمل بما يعنى أنك تعرف وهى الاخرى أخطات عندما لم تخبرك حتى وأن كان غرضها شريف من انها تحاول أن تثبت لك أنها ناجحة فكان يجب أن تخبرك المهم أن تشارك معها فى هذا العمل وتحتضنها بدلا من كل ذلك أو تعمل مشروع جديد وبعد النجاح تدعوها أن تشاركك وهذا حرصا على أولادك وبيتك .