التخطي إلى المحتوى
شاهد ..مفاجأة غنوة لشقيقتها أنغام بعد وفاتها

 كشف مينا مجدي شاعر غنائي جديد، عن مفاجأة كانت تعد لها الفنانة الراحلة غنوة لشقيقتها المطربة أنغام، قبل وفاتها بأيام من خلال أغنية كانت ستهديها لأنغام  وذلك لتصالحها وتزيل أى أسباب للخلاف بينهما.

رغم قسوة أنغام ..غنوة كانت تجهز أغنية لمصالحتها

 

وكشف مينا مجدى أنه تلقى مكالمة من غنوة وطلبت منه كتابة أغنية مخصوص لها، وتقول كلماتها وحشاني يا أختي جدا.. وحشتني الذكريات .. مهما الأيام خدتنا .. عمري ما انسي اللي فات .. في بيننا حاجات كتيره .. وانتي يا أختي الكبيره .. عندي ست البنات.

نص كلمات اغنية وحشانى يا أختى 

ونشر مجدي عبر حسابه على فيس بوك وقال الكلمات دي جزء من أغنيه كتبتها مخصوص بناء على طلب شخصي من صديقتي الراحلة غنوه محمد علي سليمان .

كتبتها علشان تغنيها وتعملها مفاجأة لأختها الفنانة أنغام بعد مكالمة طويلة كانت ما بينى وبينها.


الكلمات دي جزء من أغنية كتبتها مخصوص بناءآ علي طلب شخصي من صديقتي الراحلة غنوه محمد علي سليمان .. كتبتها علشان تغنيها وتعملها مفاجأه لشقيقتها الفنانة أنغام .

غنوة طلبت من مينا مجدى تجهيز كلمات الأغنية حتى تكون مفاجأة لأنغام

 

وكشف مينا مجدى عن تفاصيل المكالمه الطويلة بينه وبين الراحلة غنوةوقال كانت مكالمة  مليانة دموع وحنين لذكرياتها القديمة مع اختها .

كل الناس كانوا عارفين ان انغام وغنوة بقالهم فترة كبيره قاطعين علاقتهم مع بعض .

وبدون الدخول فى اي تفاصيل و كانوا بقالهم سنين لا بيتكلموا ولا بيتقابلوا وده كان مسبب جرح كبير فى قلب غنوة.

وفى يوم من الأيام كتبت بوست وطلبت فيه من الناس اللي بتتابعني انهم يعملوا منشن لاكثر حد واحشهم .

بعد أنغام كان مسبب جرح كبير فى قلب غنوة 

 

واتفاجئت ساعتها لما لقيت غنوة كاتبة اسم أنغام فى كومنت و فى نفس اليوم اتصلت بيها واتكلمنا وعرفت منها انها برغم كل الخلافات اللي بينها وبين اختها الا انها لسه بتحبها .

بتحبها ومحتاجه لوجودها فى حياتها زي زمان  ووصلنا لنتيجة اني هكتبلها اغنية تقدمها مفاجأه وهديه لشقيقتها  أنغام علشان يرجعوا لبعض تاني ويزيل ما بينهم اي زعل وفعلآ الأغنية اتلحنت وسمعها والدها محمد على سليمان واشاد بيها .

لكن فجأه ومن غير أي مقدمات رحلت غنوة ماتت وهي لسه ف عز شبابها من غير اي مرض او سابق انذار واستقبلت أنغام الخبر بصدمه كبيرة وحزن عظيم .

وبعدها كنت بتفرج علي برنامج ريهام سعيد وكانت في لقاء مع والدة غنوة .. سألتها عن رد فعل انغام لما عرفت خبر موتها ،قالت بدموع : انغام فضلت معاها وهما بيغسلوها ونزلت عند رجلي تعيط وطلبت مني انها تدفن اختها فى القبر بتاعها .

يا تري كان ايه احساس انغام وقتها  و ايه احساسها لما شافت اختها اللي فى مقام بنتها وهي قدام عينيها لكن وهي ميتة .. ايوه اتقابلوا تاني واتجمعوا و لكن بعد فوات الأوان .

واختتم مينا البوست برسالة قائلا يا جماعة الدنيا مش مستاهله والأيام مش مضمونة
مهما كان سبب زعلكم مفيش حاجه تستاهل انكم تتخاصموا وتبعدوا عن بعض .


اتخانقوا واتعاتبوا و اختلفوا و لكن متبعدوش .
متبعدوش عن حد انتوا بتحبوه و متفرطوش فى حد محتاجلكم ومحتاج لوجودكم معاه.

وشوفوا الاغنية اللى كانت مجهزاها غنوة وهى وحشانى يا أختى جدا.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *