التخطي إلى المحتوى
قاعدة فى البيت وولادها اختفوا..تعمل اية

 

الحقيقة انا سمعت وشفت كتير عن مشاكل النسايب وبخاصة الستات او الحموات مع زوجات اولادهم ولكن المشكلة اللى هعرضهلكم دى غريبة بعض الشئ خاصة فى ظل الفترات العصيبة اللى بنعيشة وهنقلهلكم زى ما صاحبة المشكلة بعتتها بالظبط لباب حال الناس .

طبيعة المشكلة العجيبة 

لما أكون قعده فى بيتي وسايبه ولادي 3سنين وسنتين يلعبوا مع ولاد عمهم وفجأة حسيت ان صوتهم مش باين اخرج ملقيش حد فى الشارع

سألت سلفتي تقولي لا مش عندي خرجت دورت فى الشارع.سألت فى المحلات يمكن ولاد عمهم راحوا يشتروا قالولي محدش جه.

رجعت سألتها تاني عن بنتها يمكن راحوا معاها مكان قالتلي هي عند جدها رحت رايحه هناك قعدت اخبط وجبت عيال فى الشارع تنده  محدش رد وكانت الساعه10:36 بالليل رحت رايحه لبيت اخوها خبطت وسألت قالولي محدش جه هنا.

رجعت ع البيت لقيت ولادي نازلين من عربية عمهم كنت هطرشق فبقوله لو سمحت يا احمد لو هتاخد العيال معاك مشوار يبقى قولي .قالي ما الل جوا عارفين قولتله سألتهم مرتين قالوا متعرفش وعيب انا يبقوا عارفين ويسيبوني اخبط ع بيوت الناس بالليل فرد وقالى  بيهزروا معاكي ،اتصلت بجوزي يقولي معلش بيهزورا معاكى .

تعجب من هول المفاجأة 

هو فعلا موضوع الاطفال يخرجوا من غير مااعرف والإحراج وأنا بخبط على الناس بالليل بقى عادي،والخظه اللى  اتخضتها ولا انا اللى بقيت عكس الناس مش فاهمة حد يقولى .

حل المشكلة 

الحل : المشكلة اللى حصلت ليست عادية وخطأ جسيم خصوصا فيما يحدث من خطف أطفال وخلافة ثم كل هؤلاء بما فيهم زوجك مخطئين فليس فى هذا الموضوع تهريج نهائيا والا ماذا كان سيكون رد فعلة اذا لاقدر الله حدث لهم اى مكروه فأول أنسانة ستحاسب على ذلك هو انتى .

ما علينا هو خطأ ومر ولكن علينا أن نتعلم منه جيدا ماذا تفعلى اولا تقومى بالتنبيه على اولادك بالا يخرجوا بدون أذن واذا طلب منهم أى شخص من أقربائهم أن يذهبوا معه يخبروك اولا والأ ستعقابيهم وبالطبع يتم التنبيه عليهم وان تقومى بأفهامهم ان ذلك لمصلحتهم وانكى تخافى عليهم واذا اعترض احد فهم ابنائك وليس من حق أحد التدخل فى قراراتهم او فرض شئ عليكى لاتقبلية.

ثم عليكى ان تحببيهم فى الخروج الى اى مكان هذة الفترة حتى لايحسوا بانهم محبوسين فى المنزل .

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *