منة فضالى تكشف تفاصيل حالتها الصحية

التجاهل أصبح سمة داخل الوسط الفنى وأبرزها ماحدث مع الفنانة منة فضالى التى نجت من الموت بعد أن ضاع صوتها ارتفعت حرارتها بصورة كبيرة على مدار يومان حيث خرجت فى بوست على حسابها على فيسبوك لتروى تفاصيل ماحدث معها وفى نفس الوقت رسالة لكل الذين نسوا العيش والملح وقلة الأصل فى البعض الأخر حيث قالت كنت بموت بقالى يومين حرارتى مبتنزلش المهم الحمدلله إن الواحد كل شويه بيتأكد إنه صح إن مفيش حاجه اسمها عشره و عيش و ملح.

منة فضالى مرضى عرفنى حقيقة أصدقائى 

والقت باللوم على من لم يسأل عنها وقالت أنا اعمل لغيرى لكن غيرى عمرى ما هلاقيه جنبى إلا لو فى مصلحة والمرض و الموت نعمة من ربنا بيكشفلنا كل شويه ناس متستهلش حتى تبص فى وشوهم قليلين قوى اللى اهتمو يسالو عليا و علي صحتي.

لكن آل ١٠٠٠٠٠ اللى عندى واللى ملهومش أى لازمة غير انهم يتفرجوا عليا و فالحين بس يقولولي واو ايه الجمال ده ايه الطعامه والشياكه دي ناس منافقه كذابه حتعيشو و تموتو كده الحمد لله اني مش زيكم ولا حكون لأني بكل بساطه بحب الكل وبحب الخير للناس كلها و مش حتغير بس مع اللي يستاهل.

منة فضالى توجه رسالة لكل من تجاهلها فى محنة مرضها  

وأضافت فى بوست طويل وقالت ربنا كبير و الدنيا عيشه وقتيه الدوام لله صحيح أنا ممثلة و بلبس لبس مش محتشم ساعات لأن ده شغلى بس كفاية إنى مش بأذى حد و لا عمرى شمت فى حد اتفرجو عليا قوى و احقدوا أوى و غيروا أوى اوى بس عيشوا ضمركم مرتاح زييى لو عرفتم.

وانهت كلامها قائلة طبعا بعد البوست ده حلاقى تليفونات و رسايل بالهبل أحب أطمنكم آخركم عندى إنى اتفرج عليكم، كنت فاكره إن الحب اللى بيكسر طلع فى أهم من الحب العشره و العيش والملح اللى متعرفوش عنه حاجة.. اخص.

وكانت  الفنانة منة فضالى قد دخلت فى نوبة من  البكاء والانهيار على الهواء اثناء استضافتها فى برنامج الحفلة 11 الذى تقدمة المذيعة سمر يسرى على قناة أون وذلك  عندما تذكرت العلاقات المتوترة بينها وبين والدها منذ طفولتها وتأثير ذلك على حياتها الشخصية بالسلب.