محمد رشاد : اللى حصل يوم الفرح مكنش ينفع إنى أتغاضى عنه

أكد المطرب محمد رشاد فى أول ظهور له بعد ازمة الغاء حفل زفافة الشهيرة على مى حلمى  إنه يكن حبا كبير فى قلبه تجاه مى وقال اللى بينا حب كبير وعلاقة طيبة على مدى فترة كبيرة وكمان حب متبادل من ناحيتين.

محمد رشاد اللى بينى وبين مى حب كبير

وأوضح أن الخلاف الذى وقع بينهما قبل ساعات من عقد قرانهم ناتج عن فتنة وقعت بين العائلتين وهو يتمنى أن يتم تجاوز هذه المشكلة واضاف رشاد مى كانت بتحضر للحظة دى بشكل هستيرى.

وانا كنت عامل ليها لحن رومانسى طالع من قلبى والموقف اللى حصل يوم الفرح مكنش ينفع إنى أتغاضى عنه لى أو لعائلتى بس  وقعت فتنة بين العائلتين وكشف رشاد عن الحالة الصحية لمى وقال هى دلوقتى بصحة جيدة  كل الكلام ده قالة رشاد فى مداخلة مع وائل الإبراشى فى برنامج كل يوم.

محمد رشاد نسعى على تجاوز الفتنة التى وقعت بين العائلتين

واضاف محمد رشاد أن مى كانت مجهدة قبل حفل الزفاف ونظراً لما حدث يومها أصيبت بضيق فى التنفس وهى الآن بصحة جيدة وأكد  أنه ومى يعملان على تجاوز هذة المشكلة وكمان عايز اقول فى كلام كتير اتقال الفترة اللى فاتت مش صحيح عن الواقعة.. والكلام الصح هيطلع منى انا  أو من مى .

ومن ناحية اخرى  قامت الإعلامية مى حلمى بنشر أول تعليق فيما يتعلق بأزمتها الصحية وايضا عن الغاء حفل زفافها وعلاقتها بالفنان محمد رشاد وقامت بنشر التعليق على   حساباتها الشخصية على مواقع التواصل الاجتماعى سواء إنستجرام وفيس بوك وتويتر .

حيث قالت مى حلمى  في حسابها على إنستجرام  شكرًا لكل الزملاء والناس اللى بتحبنا و الحمد لله أنا مجاليش جلطة مجرد ضغط نفسى وانسداد في الشعب الهوائية بسبب اللى حصل وده وارد بين أي طرفين ومشاكل حياتنا تخصنا لوحدنا واحنا قادرين نحلها بكآفة الطرق.

وأضافت قائلة مش هطلب منكم غير الكلمة الطيبة وزى ما بيقولوا العروسة للعريس والجرى للمتاعيس وياريت نتعلم من الأمثال اللي ليها حكمة .

وفي الآخر كل اللى داخل خارج البصلة وقشرتها عمركم شفتو بصل من غير قشر.؟، ومش هينبكم غير أن كل اللي قال كلمة وحشة هتقعد له وهيقالنا الحلو كله.