المشكلة اللى جاتلنا فى حال الناس كتير من البنات ممكن يتعرضولها تكون فى علاقة حب والارتباط يبقى رسمى وتفاجأ بأشياء معقدة تعرفها قد تتسبب فى انهيار العلاقة والطرف الثانى يخبر الفتاة دائما بان لاتقول لأهلها والنماذج عديدة تعالوا نشوف المشكلة اللى بعتتها فتاة كما ارسلتها لنا .

طبيعة المشكلة مع العريس 

القصة ببساطة شديدة انا متقدملي عريس عن حب واقتناع كان زميلي في الشغل لمده سنة وكنا اصحاب وقلب حب وجه البيت مره تعارف عادي وقبل ما يجي تاني مره يتقدم رسمي مع باباه قابلني واعترف لي ان مامته في السجن وكان قال قبل كده انها ماتت.

ومحبوسه 15 سنه قضت منهم 10 والسبب اللي قاله قتل وكان بالخطا واتحبست ظلم بس حساه كداب

وقالي محبتش ابدا حياتي معاكي علي كدب ومكونتيش هتعرفي خصوصا ان محدش من جيرانا يعرف لاننا عزلنا من المنطقة اللى كنا عايشين فيها  بعد الموضوع ده.

المهم قالي الحقيقه دي ليكي انتي مش عاوزك تعرفي اهلك حاجه نهائي عشان منظري وكده كده محدش هيعرف ابدا احنا هنستقل بحياتنا واحتمال نسافر بره.

هوة محترم جدا وشغله حلو وشوفت باباه راجل طيب وله اخت واحده متجوزه في محافظه تانيه لسه مشوفتهاش ده غير اني بحبه.

. اقول لاهلي ولا بلاش واحترم رغبته وبالنسبه لمامته حساه كداب انا عاوزه اعرف الحقيقه اعرفها ازاى؟!!.

حل نهائى للمشكلة 

الحل من اسمع كلام ستك  :اولا مسألة انه قال ان امه متوفية دى تخليكى تشكى فى حاجات كتير خاصة انه ليس من السهل ان اى ابن يقول على امة كدا .

ثانيا اية نوعية القضية اللى تخد فيها 15 سنة واية هيبقى موقفك لما امة تخرج من السجن حتى لو انتوا برا مصر فهيجى يوم وترجعوا .

الحل ببساطة تقوليلة هى فى اى سجن وتطلبى انكم تروحوا تزروها واذا رفض يبقى الموضوع فيه مشكلة خاصة انها لو مظلومة او كدا هيرحب على طول خاصة انه ما هيصدق ان حد متعاطف معاه ولكن لو رف       ض يبقى فيه مشكلة وطبعا وانتى بتزوريها هيوضح هى فى اى نوع من السجون سواء جنائى او اى شئ أخر بالأضافة الى انك ممكن تحاولى تعملى انك رايحة التواليت وتدى اسمه اللى معاكى ليهم هناك هيقولك نوع القضية دا كله قبل ما تبلغى اهلك واذا كان صادق ارتبطى بيه واذا لم يكن فأيكى الارتباط بشخص كاذب خاصة انها أمة