زى ما اتعودنا فى حال الناس ابعتولنامشاكلكم وستو هتحلها والنهاردة جاتلنا مشكلة موجودة فى كل العائلات وبعتتها احدى صديقاتنا فى صفحة اسمع كلام ستك واخدة قريبة لها خدت توينز منها ولحد دلوقتى مجبتش فلوسة رغم مرور اكثر من سنتين تعالوا نشوف قالت اية .
من حوالي سنتين ونص او اكتر جتلي وحده قريبة جوزي طلبت مني فلوس وانا ماكنش معايا والله قالت هاتي اللي في ايدك دا ابيعه ويومين بالظبط وهاخد قرض من البنك وهرجعهملك المهم انا ماكنتش موافقه وهي فضلت تعيط لحد ماقلعته من ايدي وادتهولها دا توينز قيمته 5الاف جنية المهم بعدها استناها تديلي الفلوس او تجبهولي مافيش اي حاجه بشوفها منها .
قولت اتكلم واقولها فين تقولي ربنا يسهل طب هجيب منيين واسكت وتديلي مواعيد وكل مره حجه شكل قولتلها اعملي جمعية وهصبر عليكي بقت تعملها وتقبضها وتصرفها ولا كأنها عملت حاجه اعاتبها تقولي اصل ماكنتش بدفع وماقبضتش وتتحجج كتير المهم قالت ادخلي انتي في جمعية وهديلك كل شهر تدفعي قولت ماشي اخد كل شهر منها واجمع الفلوس على بعض ومالوش لازمه ادخل جمعية علشان متأكده انها مابتدفعش بقيت ابعت بنتي ليها كل اول شهر وطلع روحي لما تديلها المهم اخدت منها 3مرات وبعدين مابقتش تدفع خالص اقولها تقولي ماقبضتش او القبض اتأخر بالشهرين والتلاته دخلنا في 3سنين وكل مره بحجه شكل.
اول امبارح سبتلها رسالة بقولها هتقبضيني امتي قالت ربنا يسهل قولتلها كل مره ربنا يسهل والله العظيم كان فاض بياوزهقت وتعبت لاني انا لما بتزنق في فلوس بستلف وبسدها واوقات مابلاقيش اللى يسلفنى وانتي مش مقدراني ولا معبراني وبتستني انا اللي بكلمك واسال علي فلوسي وفي الاخر قولتلها لو ماجبتيش الفلوس هدخل ناس في الموضوع ويبقي منك ليهم لما انتي مش مقدراني كدا ترد تقولي هو انتو ماسكين عليا زله وكل شويه تهديد قولتلها مابهددش انا اتكلمت معاكي اكتر من مره وبسكت ودلوقت بتظبط في شقتها وجايبه دهب جديد ولحد مااطلب انا تقول مفيش وكل مره تقولي يومين وتاخديهم واسبوع وتخديهم ومابشوفش اي حاجة انا تعبت ومش عارفه اعمل معاها اية انا مش قويه نفسي اكون قويه علشان اعرف اخد حقى منها.
الحل مع ستو : خطأ من الاول تقلعى ذهب من ايدك لمجرد انها قريبة جوزك وحيث انه خصل تدخلى اقارب لها وكذا حد من قرايبكم فهضطر تديكى الفلوس لان كل تدخلاتك منك ليها لخد الان طالما معاها فلوس وبتستخسر تسدد.
تبدأ مستشفى بداية المتكامل أول مستشفى متكامل في قلب منطقة الخدمات الصحية في شبين…
تشهد مدينة السادات، التابعة لمحافظة المنوفية، طفرة نوعية هائلة، حيث يقام معرض «سيتي فير الصناعي»…
ناقشت الباحثة أميرة قمر المعداوي رسالة الماجستير قبل أيام بمعهد البحوث والدراسات العربية بالقاهرة قسم…
تقدم فيكتور مبومبا، لاعب فريق إنيمبا النيجيرى، على بيراميدز بهدف من خطأ كارثى لشريف…
هدف طاهر محمد طاهر في مرمي صن داونز في الدور ربع النهائي من دوري ابطال…
تشكيل الأهلي اليوم .. المارد الأحمر يهاجم صن داونز في ملعبه ببطولة أفريقيا