اسمع كلام ستك

رغم العفوية التى تتمتع بها الفنانة  فيفى عبده، إلا أنها فى بعض الأوقات تتعرض للعديد من الانتقادات، وتحديدا بسبب ظهورها على مختلف  مواقع التواصل المختلفة وتحديدا فى اللايفات أو عن طريق نشرها لفيديوهات الرقص تقوم بنشرها عبر حساباتها وتحديدا على إنستجرام ولكن هذة المرة خرجت فيفي عبده فى لايف على حسابها على تويتر.

تحدثت فيه لأكثر من ساعة ، وتطرقت إلى العديد من الموضوعات وأجابت على استفسارات وأسئلة وتعليقات معجبيها وردت ايضا على الاسئلة التى تأتيها حول عمرها الحقيقى، فقالت فيفى عبده أنا عندى 105 سنين، لكن عمر روحى وقلبى 25 سنة بس.. واللى عاوز عروسة كبيرة أنا موجودة.. واللى مش عاجبه براحته.. لأن أنا ماعشتش السن ده.. ومن وقت لما كان عندى 9 سنين أنا ماعرفش حاجة عن الحياة.. وعايزة أعيش حياتى دلوقتى وأعيش وأفرح وماليش دعوة بالناس التانية.

وكان فى أخر ظهور لفيفي قد كشفت عن الموقف الوحيد الذى يبكيها بشدة وذلك أثناء إستضافتها فى برنامج  تخاريف الذى تقدمة الإعلامية وفاء الكيلانى  أنها تشعر كثيرا بالكآبة خلف الكاميرا عند تصوير المشاهد  حتى أنها تتأثر وتبكي كثيرا في مشهد دراما وأضافت لما ألاقي أي دراما بقعد أعيط حتى في مشاهد التليفزيون.

لازم أكون بنى أدمة وأحس باللي قدامي وأتعاطف معاه  أنا مش جبلة يعنى  لما بلاقي حد بيعيط بعيط معاه  ولما ألاقي حد بيضحك أضحك معاه وكمان أي حاجة بتبسطني وتخليني أضحك  ممكن حاجة تافهة جدا تخليني أضحك جدا.