اسمع كلام ستك

18 ثانية كادت أن تفصل الفنانة راندا البحيرى عن الحياة حيث قامت بنشر فيديو على صفحتها على إنستجرام وتحديدا هو لاحد المشاهد الاخيرة فى مسلسل الاب الروحى كانت الفنانة راندا البحيرى وكادت أن تغرق فى حوض المياة المغلق عليها حيث روت تفاصيل ما حدث نصا وقالت المخرج الأستاذ تامر حمزه قالي أنام في المياه قفلت عيني ومكنتش سامعه أي حاجه بره .

راندا البحيرى كدت أن تغرق فى حوض مياه

علشان صوت المياه اللي بتنزل من فوق كان عالي جدا  ده غير ان البوكس الإزار ده مقفول علي من فوق قفلت عيني علشان ياخدوا الشوط اللي عايزينه وبعد ماخدوا الشوط وبعدها الأستاذ تامر المخرج  بينادي عليا فتحي عينك يا راندا فتحي عينك يا راندا .. خلاص يا راندا خلصنا  وانا مبردش. أنا أصلا مش سامعه أي حاجه و تامر أفتكرني موت أو دايخه مثلا جدا أو ان اي حاجه حصلتلي و واترعب علي وخاف علي خوف قسما بالله مشوفتهوش قبل كده.

المخرج أعتقد أنها غرقت فى صندوق المياه

وقام جري و قعد يصرخ  و يزعق في كل الناس علشان يلحقوني وهو شخصيا جري و جاب السلم و اول ما عرف أني صاحيه و شافني قدام عينه بصلي حط ايده علي وشه و عيط و بعدها فضل دقيقه قاعد علي الأرض بيجمع نفسه من الخضه و علي فكره أنا كان بقالي شويه قبل زمن الفيديو ده مبردش عليهم خالص علشان كده الخضه كانت كبيره.

راندا البحيرى تنشر فيديو المشهد على إنستجرام

و انت يا استاذ تامر يومها كبرت في نظري اوي اوي اوي و عرفت اد ايه انت بتخاف علي الممثل بتاعك و بتحبه بجد وياريت البني آدمين كلهم طيبين زيك وانا سعدت و اتشرفت  ان في السى فى بتاعي اتكتب أني اشتغلت معاك  شكرا علي الروح اللي شوفتها في اللوكيشن بتاعك يا استاذ تامر وشكرا علي وقوفك جنبي و دعمك ليا.

منساش أبداً اول يوم روحت فيه لوكيشن الأب الروحي وكم التعليقات الجميلة اللي قالها علي أدائي علشان يرفع روحي المعنوية و يحسسني أني مش داخله امثل الجزء الثاني و جديده عليهم. لا. حسسني اكني كنت معاهم من تحضير الجزء الأول. و احتضنوني كلهم. شكرا وهيوحشني اوي الشغل معاك لحد ما نشتغل مع بعض تاني  ربنا يخليك للفن  .

مضمون ما نشرته راندا البحيرى على إنستجرام