شاهد .. ابن الزعيم يجرى بالروب وحافى على كوبرى قصر النيل

فاجئ الفنان محمد إمام نجل الزعيم عادل إمام  متابعيه على إنستجرام بالكشف عن كواليس مشهد من أصعب المشاهد التى صورها خلال فيلمه الأخير ليلة هنا وسرور مع الفنانة ياسمين صبرى.

أصعب مشهد بين محمد إمام وياسمين صبري

حيث كتب محمد إمام عن أصعب المشاهد اللى قام بتصويرها مع ياسمين صبرى حيث قال المشهد أننا بنجرى بالبيجامة والروب على كوبري قصر النيل يوم الخميس بالليل واللى أول مرة تعرفوه إن واحنا بنجرى ياسمين وقعت منى فى وسط الكوبرى وقعدت تعيط على الأرض.

و لأن كان عندها أصلاً رباط صليبى والناس ابتدت تتلم علينا جامد وأنا قاعد بهدى فيها وأسلم على الناس فى نفس ذات الوقت.

محمد إمام وحكاياته على إنستجرام

لحد ما عربية الإنتاج جت بسرعة وركبنا فيها ومشيت وأنا من كتر اللهوجه نسيت أركب معاهم وفجأة لقيت نفسى واقف لوحدى بالروب وحافى فى وسط أمة لا إله إلا الله وعاوزين كلهم يتصورا معايا أو اتصورا خلاص .

والدنيا اتقلبت وأنا مش لاقى ولا حد من التصوير لحد ما لقيت واحد صاحبى معدى بالصدفة بعربيته ولحقنى وفى نفس الوقت طقم التصوير بيدورا عليا ومش عارفين أنا فين، كان يوم صعب بس عدي على خير الحمد لله والمشهد طلع لطيف جدا.

الفنان محمد امام نجل الزعيم عادل إمام من ضمن الفنانين الذين يحرصون على مشاركه جمهور متابعية على السوشيال ميديا  معظم المواقف واللحظات.

سواء فى حياتة او ما يتعرض له من مواقف وهو الامر الذى يجعله قريب من متابعيه وتحديدا على إنستجرام وأحدث موقف له انه قام بتدشين هاشتاج جديد ويحمل عنوان يوميات زوج معاصر.

ويقوم من خلاله بنشر المواقف الكوميدية التى يتعرض لها أثناء حياتة الزوجية ومن المعروف انه تزوج مؤخرا من نورهان طلعت واقيم الفرح فى احدى قرى الساحل الشمالى .

واولى المواقف قام محمد بنشر صورة له وعلى وجهه ابتسامة مصطنعة وكتب عليها  عليها لما مراتك تصورك وانت لسه صاحي و مش عاوز تتصور ويلاقى محمد تفاعل كبير من متابعية على إنستجرام.

https://www.instagram.com/p/BonkOVhlMas/?utm_source=ig_share_sheet&igshid=122av3sdsd06a

https://www.instagram.com/p/BonkOVhlMas/?utm_source=ig_share_sheet&igshid=1ibzj0t5slgpj