اسمع كلام ستك

مشكلة بتتكرر فى أسر وعائلات كتير  وهى لزوجة سلايفها بيعملوها معاملة سيئة وهى بتحاول تعاملهم كويس ولكن دون جدوى لدرجة ان حماها وحماتها تدخلوا اكثر من مرة ويحلوا المشكلة ولكن بعد ايام تعود نفس القصة  ويعاودن نفس الكرة مرة اخرى ستو هتعرض المشكلة زى ما وصلتلنا وهنعرض الحل مع ستو.

سلفتى زعلانة عشان دخلت الكلية 

القصة انا ليا اتنين سلايف مش طايقنى والاتنين مصاحبين بعض المهم قولت لحماتى انهم بيدوروا على اى فرصه يضايقونى ومن ساعة ما قدمت ورق الكليه علشان اكمل دراسه تقدرى تقولى حتى السلام مش بيردوه المهم كنت فى رحله فى العيد وجوزى قالى تعالى نعدى عليهم نعيد واحنا راجعين .

وقولتله اللى تشوفه دخلت قولت السلام وكل سنة وانتوا طيبين محدش رد السلام عليا فضلت قاعده محدش وجهلى كلمه سلفتى جابت طبق بنبونى وعطت كل اللى موجود الا انا جت عندى وحطت الطبق جنب جوزى وسلفتى التانية كانت موجوده .

المهم هى قامت لكل واحد وادته فى ايده بعدين قعدت جنب سلفتى التانية وفضلوا يحكوا مع بعض وتشيل ابنها ويهزروا جوزى بصلى وقالى يلا بينا نطلع وتانى يوم اشتكى لحماتى راح حمايا نده سلفتى الصغيرة اللى كانت موجوده قالت محصلش حاجة والكلام كدب حمايا زعق معاها وقالها يعنى ابنى كداب.

بوستات تلقيح على الفيس بوك وحمايا اكتشفها

دا انتوا حتى على الانترنت بتنزلوا بوستات تلقيح عليها وانا عامل نفسى مش فاهم بس انا فاهم الخبث بتاعكم حتى مبروك لما دخلت الكلية مقولتهاش قالته خلاص لما تكون هنا انا مش هنزل من شقتى لحد ما تمشى وراحت فتحت الفيس وعملتلى بلوك.

دلوقتي انا مكنتش حاضرة نقاشها مع حمايا بس هي ليه بتدافع عن سلفتى التانية وتكدب جوزى  واتعامل معاهم ازاى زهقت ونفسيتى تعبت وقلت لحماتى زهقت من المشاكل قالتلى حمايا هيعمل قعده ويحل المشكله المهم عملوا قبل كده قعدات كتير ويجوا قدام حماتى يقولوا داحنا اخوات وبعدها الخبث يشتغل تانى.

حل ستو :فى البداية يكفى ان حماتك وحماكى واقفين فى صفك ودا يحسب لهم وثانيا تحضرى القعدة عشان تكبرى بحماكى واذا اخلوا بعدها فعليكى التجاهل التام لهم ودا الحل .