المشكلى اللى وصلت لينا فى حال الناس تشبة بالظبط اللى بيحصل فى الافلام لما الزوج يوزع زوجتة عند أمها وبعدين يجيب حد الشقة ودا اللى حصل فى المشكلة اللى هنعرضها بس بشكل تانى كمان كان جايب صاحبة معاهم ودا بيمثل جزء كبير من الخيانة الزوجية  تعالوا نشوف القصة زى ما اتبعتلنا بالظبط .

زوجى لم يحترم منزل الزوجية 

انا النهارده ناس اتصلت عليا من عند بيتي قالولي جوزك معه واحده في الشقة وانا عند والدتي المهم نزلت بسرعة وروحت علي هناك لقيت لمه مجموعة من  الشباب تحت البيت ولقيت جوزي تحت اول لما شافني اتخد قولتلو جايه اخد هدوم لابننا طلعت علي فوق وبالفعل لقيت واحده في الشقة اول لما شافتني اتخدت قولتلها جايه هنا ليه قالت لي جايه مع فلان صاحب جوزي نزلت لقيت اللي هي بتقول عليه واقف تحت والشباب مسكوه ضربوه المهم طلعت علشان انزلها علشان الشباب كانوا عايزين يضربوها ويطلعوها بفضيحه جوزي مكنش عايز ينزلها بحجه انها واحده غلبانه يعني صممت ونزلتها ومخليتش حد يلمسها وبعدين طلبت الطلاق وهو وافق وفضلو الناس يحيلو فيا وانا مصممه وابويا قعد يشتم فيا علشان مطلقش وبعدين روحنا عند المأذون وبرضو الناس قعدو يحيلو فيا وانا  مصممه بس رجعت في كلامي لمده أسبوع لحد مااشوف مكان اشيل فيه عفشي انا كده غلط ولا اعمل ايه مع العلم انا عندي ولد ١٠سنين وبنت ٤سنين.

حل مشكلة الخيانة الزوجية 

الحل : البداية لايمكن بأى حل أن تستمرى مع زوجك فكيف يسمح لنفسة سواء هو من أتى بالفتاة للمنزل او برفقة صاحبة ففى كافة الاحوال هو لم يحترم منزل الزوجية نهائيا ومن الممكن أن يخون فى اى لحظة بدليل أنه لم يرفض حينما طلبتى الطلاق فكان من الممكن ان يمتنع ثم لا أفهم دفاعة عن الفتاة اللى انتى وجدتيها فى منزلكم يعنى أية غلبانة ففى كلتا الحالتين سواء هو جاء بالفتاة أو جاء بها لصاحبة فهذا له تسميات سيئة ثم لو فرضا عدتى كيف ستتعاملين مع جيرانك وابنائك ما هو منظرهم امام اصدقائهم وهم فى مرحلة الطفولة اذا قال لهم اى شخص كلمة الحل الافضل فى مثل تلك الحالات الانفصال .