اسمع كلام ستك

فى حال الناس بنستقبل كل المشاكل وبقدر الامكان بنحاول نضع لها حلول مهما كانت نوعية هذة المشاكل سواء عامة أو خاصة والنهاردة وصلتلنا شكوى خاصة بتحصل فى بعض البيوت عن شك الزوجة فى أن زوجها يخونها ،تعالوا نشوف اية المشكلة دى زى ما وصلتلنا بالظبط .
جوزى متغيروبدون شغل ودايما معاه فلوس
حاسه ان جوزي بيخوني او متجوز عليا ومش عرفه اتأكد ازاي ساعدوني علشان مخنوقه اوي
جوزي من فتره كان بيقولي في واحد صاحبه عنده واحده قربتة جوزها متوفي وعايزه عريس مش هتكلفه اي حاجه علشان هي غنية وكده وهو مش هيبات عندها والله العظيم جوزي قالي كده المهم جوزي عمره مكان بيهتم بنفسه ولا بيشتري لنفسه حاجه دايما انا اللي بجبلوا كل حاجه بقاله فتره بيهتم بنفسه جدا جدا وبيجيب حاجات كتير لنفسه ودي اول مره تحصل من يوم ماعرفته وكل يوم يصحي من النوم يلبس ويتشيك على الاخر وينزل ميجيش غير بعد الفجر اقسم بالله ولما اسالوا كنت فين يقولي مفيش قبلت واحد صاحبي والكلام خادنا او اي حجه تاني او ميردش عليا ويقولي بطلي نكد وبطل يتكلم معايا فى اي حاجة ومش عايزني انزل من البيت نهائي حتي ماما لما بروح عندها بيتخانق معايا دلوقتي انا عايزه اتاكد مش عرفه ازاي مع العلم بقاله فتره مش بيشتغل ومع ذلك على طول معاه فلوس ساعدوني علشان هطق.
حل المشكلة مع ستو
حل ستو : بداية كل ما تقولية لايخرج عن مجرد شكوك فلايجبان تحكمى على مجرد شكوك وثانيا انتى مخطئة لانك لم تسألية من أين هذة الفلوس فهذا حقك خاصة أنك تعلمسين انه بدون عمل واذا زاد قول له من حقى اعرف مصدر الفلوس عشان اعرف الفلوس اللى بنأكل منه منين ثالثا ما المانع فى انك تفتحية عن قريبة زوج صاحبة قوليلة اتجوزت ولا لسة وبصى على تعبيرات وجهة ومنها سيتضح اذا كان هو الذى تزوجها ام لا كما حاولى ان تتكلمى معاه قوليلة نفسى اخرج معاك زى زمان حولى أسلوبك وشوفى هيتغير ولا لأ ووقتها بردوا هيبان خاصة ان ممكن يكون كل اللى فى دماغك مجرد اوهام وهو مش طايق يقعد فى البيت من خلالفاتة معاكى وربنا يسعدكم يارب