اسمع كلام ستك

المشكلة اللى وصلتنا فى حال الناس النهاردة عن زوجها خد كل تحويشة عمرها واتجوز عليها ورماها فى الشارع تعالوا نشوف المشكلة زى ما جارتها ارسلتها .

تحويشة العمر ضاعت على الجوازة الجديدة

حسبي الله ونعم الوكيل في كل واحده تخرب حياة واحدة تانيه وفي كل رجل عديم الأصل ظالم حسبي الله عليه واحده جارتي يابنات مسافره مع جوزها وشغالة مدرسة وطبعا كل فلوسها معاه اتفاجأت  بزوجها اللي المفروض انه امام وخطيب وعارف كلام ربنا وحافظة داخل عليها بواحده وقالها دي مراتي زيك بالظبط زعقت معاه وصرخت وانا هاخد ولادي وانزل وهى عندها 3اطفال ولدين وبنت  .

فوجئت به يستولى على  ذهبها منها واخد الولاد منها وقالها هتنزلي بطولك اتصلت على أهلها قالولها خليكي واوعي تنزلي من غير ولادك وفلوسك قعدت ياعيني وبعد 15يوم حجز لها وللعيال وجابهم ونزل البلد وأول مانزلت من العربية ابوه مدخلهاش البيت وقالها بشنطة هدومك على بيت اهلك وياعيني نايمة دلوقتي تعبانه جدا ربنا اللي عالم بيها اسفه إن كنت طولت عليكم بس بالله عليكم ادعولها ربنا ،يقويها ويرجع لها ولادها بجد معملتش حاجه لكل ده حسبي الله ونعم الوكيل في كل ظالم.

حل ستو للمشكلة 

المشكلة دى للأسف بقت بتتكرر كتير خاصة من الزوجات اللى عانوا فى الغربة مع أزواجهم وهناك نوعية من الرجال أو الازواج يقوم بمجرد أنه يشعر بوجود فلوس معه بالزواج على زوجتة وهى نوعية سيئة من الرجال لاتقدر المعيشة نهائيا وللأسف تتسبب فى مشاكل عائلية وأسرية عديدة لاتنتهى ولكن ما نتعجب منه هو جرأتة فى احضار الزوجة الثانية وهو الغريب فى الامر .

والحل ببساطة ان يتدخل حكم من اهلها يكون ذا شخصية قوية يجلس معه هو وأسرتة حتى ترجع لها كل أشيائها بالاضافة إلى الصلح وان يكون أساس الكلام التصالح حتى يتم الحفاظ على الابناء حتى لاتتشرد طفولتهم ويعانوا من بعد أمهم عنهم فهذا لايعوضه أى مال نهائيا اما فى حالة الوصول فى الامور إلى مستوى من التعقد فليس امامها سوى المحاكم واحنا متضامنين معها بفريق الدفاع الموجود على صفحة اسمع كلام ستك .