اسمع كلام ستك

زى ماعودناكم فى حال الناس مع ستو هنعرضلكم المشاكل زى ما بتجيلنا من اصدقاءنا فى الصفحة من خلال أسمع كلام ستك ومشكلة النهاردة غريبة جدا وصلتنا من صديقة ببساطة شديدة زوجها تزوج عليها من أخرى بعد عشرة بينهم 28 عام تعالوا نشوف مشكلتها زى ما ارسلتها .

اتجوزنا عن حب رغم معارضة اهلنا 

اتجوزته في عام ١٩٩٠عن حب كنا جيران حبينا بعض وكان سني صغير ساعتها كنت ١٦سنة المهم اهلي واهلو كانو رافضين الجواز طبعا بعقلنا احنا الصغير فكرنا نغلط مع بعض عشان نجبرهم على الجواز لأنه اتقدم اكتر من 4 مرات وكان دائما يترفض المهم نفذنا خطتنا واجبرنا اهلنا على جوازنا فعلا اتجوزنا بس ولا اهلي ولا اهلو حد ساعدنا .

غير في كتب الكتاب مش اكتر من كده روحنا خدنا شنطة هدومنا واجرنا اوضه في شقه مشتركه والحمام مشترك المهم الاوضه دي مكنش فيها اي حاجه غير شنط هدومنا مش اكتر من كده كان ايامها بيشتغل قهوجي بيقبض يوميه ١٥جنيه بقيت اجيب اكل بـ ٥جنيه واحوش الـ ١٠شويه شويه اشتريت وابورجاز وحله وطبقين.

عيشة فى تقشف لمدة 28 عام وفى النهاية كان الغدر 

وفضل على الحال ده اكتر من ١٠سنين ببني في بيتي انا وهو لحد ما الحمدلله عملت شقه محترمة وربنا رزقني ب ٣اولاد بنتين وولد المهم كان هو بطبعه قاسي كان بيعامل ولاده بعنف وضرب واهانه وانا كأم غصب عني كنت بدافع عن ولادي المهم من سنة ٢٠٠٨ربنا كرمه واشتغل في شركة بترول ابتدأ الحال يتعدل معانا .

أخواته البنات أقنعوه بكرهى لية وأنى تمنيت موته 

واشترا عربية والحمدلله ومن حوالي ٧شهور تعب وجاله القلب وعمل عملية قلب مفتوح ويعلم الله اني جلست تحت رجليه لحد ما ربنا شفاه وعفاه واول ما وقف على رجله وخف راح اتجوز عليا من حوالي ٣شهور والسبب اخواته البنات فضلو يذنو على ودانه مراتك مش بتحبك .

مراتك وانت عيان كانت عايزاك تموت هى وعيالها عشان فلوسك واقسم بالله العظيم ياستو اني كنت بموت عشانه وهو مريض المهم هو صدقهم رغم أنه لو كان فكر شويه بعقل كان افتكر عيشتنا زمان لما كنت محرومه من اي حاجه نفسي فيها لبس وخروج وأكله حلوه.

ومع ذلك كنت راضيه كنت ممكن وسهل اوي مكنتش كملت مشواري معاه وكنت أطلقت في سن صغير وروحت اتجوزت ولا كنت عيشت عيشه متقشفه وكان بيوصل بيا الحال كان ممكن اتغدا منلقاش عشا ومع ذالك كنت بقول الحمدلله ازاي بعد كل السنين دي مجرد ما اخواته يقولو ده بيتمنولك الموت عشان فلوسك يصدق وياخد و ويطلعو على الاقصر ويجوزوه من هناك ويرميني انا وعيالي بدون اي مصاريف حتى ولا بيسأل علينا بتليفون ولا بيبعتلنا مليم ده يرضي مين وبردو والله العظيم مش بقول غير الحمدلله.

حل ستو :فى البداية هو معملش كدا عشان اخوات قالولة هو ماصدق حد يبررله اللى هيعمله لأنه ببساطة شديدة كان شايف ادامة اثناء فترة مرضة والمشكلة أنك مش هينفعى توسطى حد من أهلك عشان القصة.