اسمع كلام ستك

دائما المشاكل بتعبر عن حال المجتمع واحنا هنا مع مشكلة جديدة جاتلنا فى حال الناس القصة باختصار غيرة بنت الزوجة الاولى من ابن الزوجة الثانية والمشكلة ان الاثنين اطفال فماذا تفعل هذة السيدة التى تقوم بتربية الابناء من الطرفين تعالوا نشوف المشكلة زى ما وصلتنا.

بنت زوجة زوجى بتضرب ابنى

انا متزوجة من رجل مطلق هو انسان كويس خالص ومحترم وربنا كرمنى بطفل بس عنده ثقب فى القلب الحمد لله على كل حال ..المهم زوجته الاولى لما عرفت بعتت ولاده التلاته والحمد لله الولاد بقالهم 3شهور معايا وبيحبونى خالص وانا والله بعتبرهم زى ابنى بالظبط بس المشكله ان البنت الصغيرة عندها سنتين بتغير من ابنى خالص ومش بتبطل ضرب فيه والولد تعبان ودايما بيبكى والبنت صغيره مش عارفه حاجة.

اعمل ايه عشان اخليها تبطل ضرب فى اخوها من غير ما اقسى عليها لانها برضه صعبانه عليا ومش بتناديلى غير بماما .

أفعال الطفلة تجعلنى اراجع نفسى قبل أى تصرف

بس لو حاولت ارضع ابنى تيجى جرى تضربه وتزق فيه عشان توقعه من ايدى حتى لو حبيت اشربه مياه ببقى اشربها هى الاول ولما تخلص شرب ابقى اشرب اخوها تقوم معيطه وتضرب فيه …عايزه حد يقولى ازاى اخليها مش تغير منه كده ومش تضربه خصوصا ان الدكتور قالى ان البكاء الكتير للولد ممكن يأثر ع قلبه ….فيدونى الله يرضى عليكم.
ربنا يكرمكم يارب …انا فعلا بحاول معاها بطرق كتير ..بس المشكلة ان انا بشتغل واقفه مع جوزى فى المحل بتاعه والولاد معايا دايما هناك بس لو انشغلت مع زباين شويه بتكون هيا موتت اخوها من الضرب ولو شيلتها هيا لما اخلص مع الزباين اخوها مش بيبطل عياط ولو شيلت اخوها هيا تعيط برده ولما جبنا بنت تشتغل فى المحل سرقت حاجات كتير وجوزى قال مش هجيب حد تانى ولازم نحافظ على حاجتنا وطبعا لازم اقف جنبة .

حل ستو فى البداية لابد ان نشكرك على موقفك النبيل فى تربية ابناء زوجك من الزوجة الاولى ،ثانيا بالنسبة لمشكلتك لابد كما ذكرتى ان تراعى انها طفلة وهناك حلول بسيطة ان تضعى اى قطعة حلوى فى يده ويعطيها له او تديهالها وتقولى لها اخوكى جابلك دى ولازم تعرفى ان طبيعة الغيرة هنا من حبها ليكى .