بالفيديو .. ليلة طلاق رضوى الشربينى

كشفت الإعلامية رضوى الشربيني العديد من الأسرار فى حياتها الشخصية وذلك اثناء استضافتها فى برنامج كلام نواعم على قناة ام بى سى حيث أوضحت  السبب الحقيقى لاتخاذها قرار الطلاق بعد مرور 7 سنوات على زواجها وهو ما كان مفاجئة للجمهور وهو يرجع لسماعها أغنية المطربة شيرين عبدالوهاب هتعمل إيه المرايا.

أغنية شيرين تسببت فى اتخاذى القرار وحسيت كأنها بتوصف حالى

وأضافت رضوى أن هذه الأغنية كان لها أثر كبير في مراجعة حساباتها مع نفسها فى حياتها قبل اتخاذها لهذا القرار الصعب .

وقالت رضوى دخلت عشان آخد شاور ودايما أنا بشغل أغاني وجت أغنية شيرين هتعمل إيه لو بصيت في المرايا ولما سمعت الجملة وأنا واقفة قدام مراية الحمام اعتقدت أنها بتغنيهالي أو بتغنيها عليا وعلى حالى .

وبالمناسبة دى كانت أطول فترة شاور خدتها في حياتي وقعدت لمدة  ساعتين وربع تقريبا وقعدت كده وكان شريط حياتي بيتعاد قدامي كأنه شريط سينما وبعد ما خلصت سألت نفسي وقلت وبعدين .

الحياة تخبطت معايا بعد الطلاق وحسيت أن الابواب اتقفلت فى وشى

ياترى هتعرفي تكملي كده بقيت حياتك كلها وبعدها خرجت وصليت صلاة استخارة و تاني يوم قولتله طلقني وكنت واخده القرار.

وبعدها عانيت  فيما بعد مرحلة  الانفصال وتحدثت رضوى بتأثر وقالت تعبت وكنت مخبوطة على دماغي لمدة 3 شهور و بعدها بدأت أبيع حجات عندي عشان بناتي وماما ربنا يخليها كانت بتساعدني.

وبعدها بدأت أخبط على الأبواب بس اتقفلت في وشي لحد ما ربنا شاء واشتغلت في النهاية وحققت النجاح اللي أنا فيه دلوقتي واختتمت رضوى الشربينى كلامها الحمدلله على كل شئ.

تجدر الإشارة إلى أن الإعلامية رضوى الشربينى قد دخلت  فى نوبة بكاء أثناء استضافتها فى برنامج معكم الذى تقدمه الإعلامية منى الشاذلى وتحديدا عندما سالتها الاخيرة عن قصة زواجها التى أصبحت تريند رغم عدم صحة ذلك وهنا روت رضوى القصة انها كانت مع والدتها المريضة وفوجئت بذلك والسبب أنها أخذت أجازة يومان من برنامج هى وبس  الذى تقدمة لرعاية والدتها المرضة حيث كان يتطلب الامر تواجدها معها فى المستشفى.

واضافت لكى ان تتخيلى فى عز ذلك وخرجت شائعة خطوبتى وجوازى وكان فى نفس التوقيت شقيقى يتصل بى لضرورة توافر أكياس دم لوالدتى وهنا دخلت رضوى فى نوبة بكاء .