اسمع كلام ستك

فى أول ظهور للفنانة رانيا يوسف قامت بمداخلة تليفونية مع الإعلامية إيمان الحصرى فى برنامج مساء دى ام سى الذى يعرض على قناة دى أم سى وقامت بالرد على الانتقادات التي وجهت إليها بسبب الفستان المايوه الذى ظهرت به فى حفل ختام مهرجان القاهرة وأكدت أن ماحدث غير مقصود، وأن السبب يرجع إلى بطانة الفستان التى تحركت وسببت هذه الأزمة لأن الفستان  شد البطانة من ثقلة وكنت خلاص على الريد كاربت واتصورت .

رانيا يوسف بطانة الفستان هى السبب فى اللى حصل 

واحد المصورين أخذ الزاوية من الخلف وأنا مش صغيرة ومش غبية عشان أضيع مجهود السنين اللى اشتغلتها فى تاريخى وأظهر بشكل غير لائق زي ما اتكتب، والمواقف دي بتحصل لستات كتير مع الفساتين وحصل معايا قبل كدا فى مهرجان الاقصر السوستة بالكامل اتقطعت وقاموا بخياطتها قبل الهواء .

وأوضحت رانيا يوسف قماشة الفستان الخارجية تختلف عن قماشة البطانة  الداخلية، ومع الحركة القماشة الخارجية شدت البطانة  ومكنتش عارفة أتصرف ازاى  وأنا باشترى القماش مكنش فيه أى مشكلة وارتديته كذا مرة  والموديل عادى وكذا زميلة ارتدت هذا الموديل قبل كدا  والمشكلة كانت فى خامة القماشة وبطانتها الخفيفة .

رانيا يوسف بناتى مخضوضين من اللى تم تداوله على السوشيال ميديا

وأنا لما شفت الصور الناس عندها حق واكيد مكنش قصدى كدا وانا محطوطة فى موقف مش لطيف أنا وبناتى وانا  مش عبيطة ومش غبية عشان أضيع مجهود السنين اللى اشتغلتها وعندى بنات عرايس واحدة  18 سنة والتانية 15 سنة  وبناتى مخضوضين من اللى حصل على السوشيال ميديا.

والفستان ماركة إيطالى واشتريتة من أحدى الدول العربية ومش عارفة اية اللى بيحصل واكتر حاجة ضايقتنى أن اتقال انى كنت سيئة النية وانا والله مكنش قصدى ، والجدير بالذكر أنه تم تحديد يوم 12 يناير القادم لنظر أولى جلسات لنظر أولى جلسات رانيا يوسف امام محكمة جنح الأزبكية حيث قررت النيابة العامة إحالة الفنانة رانيا يوسف إلى المحاكمة الجنائية العاجلة  على خلفية اتهامها بارتكاب فعل فاضح والتحريض على الفسق أثناء حضورها مهرجان القاهرة السينمائي فى حفل الختام  بفستان أشبه بـ المايوه.