اسمع كلام ستك

لاحديث على السوشيال ميديا سوى عن حالة الجدل التى تسببت فيها الإعلامية ريهام سعيد عندما أعلنت عن اعتراضها على طريقة تقديم المذيعتان رضوى الشربيني لبرنامجها هي وبس والذى يعرض على سى بى سى سفرة  ومفيدة شيحة في برنامجها الستات مايعرفوش يكدبوا الذى يعرض على سى بى سى .

ريهام سعيد تهاجم رضوي الشربينى و مفيدة شيحة بسبب الرجالة

حيث تصفهما بالوقوف ضد الرجل بصفة مستمرة وأشارت إلى أن مفيدة شيحة تحاول توجيه النساء دائما نحو رفض الخضوع لأزواجهن أو طاعتهم .

واشارت إلى أنه على النساء التنازل خلال رحلة الزواج وجاء كل ذلك أثناء تقديم ريهام لحلقتها من برنامج صبايا الذى يعرض على قناة الحياة.

ريهام سعيد للزوجات اطيعوا أزواجكم لأنهم بيفكروا بدماغهم

وأضافت لما الأزواج ناويين على كمية النكد الرهيبة والفظيعة والعنف بتتجوزوا ليه؟ الجواز رحلة شاقة لازم عشان نتقابل في نقطة لازم أتنازل.

وأضافت وبعدين وقتها كمان بتسألي نفسك هل التنازل دا يستحقه الشخص دا ولا أمشي و أنا عن نفسي كنت بمشي وبحس إن هو مايستحقش التنازل لكن الإنسانة لما بتتجوز شخص مُحترم لازم تتنازلي وتسمعي كلامه وتطيعه.

وبالنسبة لمفيدة شيحة ورضوى الشربيني قالت ريهام سعيد  برنامج الستات مايعرفوش يكدبوا ومفيدة شيحة بتقعد تقوّم وتقول مانسمعش كلام الرجاله.

و أنا وجهة نظري مختلفة عنها وطبعا مفيدة حبيبتي وصاحبتي وحشتيني كمان أختلف مع حبيبتي رضوى الشربيني أنا شايفة إنه لازم نسمع كلام الرجل .

واختتمت ريهام كلامها  بنصح النساء بإطاعة الرجال من أجل إراحتهم وقالت كلام الرجاله بيكون صح وإحنا بنتعامل بقلبنا لكن الرجال بيتعاملوا بدماغهم.

وبعدين ريّحيه مش في حاجات صعب تنفذيها لكن اسمعي كلام جوزك ومن هنا انطلقت التعليقات على السوشيال ميديا ما بين مؤيد لكلام ريهام ومعارض لها وايضا بعض المدافعين عن رضوى الشربينى.

وبعضهم قال فى تعليقاته رضوى دايما  كلامها ونصايحها عن نوع معين من الرجالة النوع اللي بيعمل قمع للست ويقهرها ومن هنا بدأ المدافعين عن ريهام سعيد فى الرد والدفاع عن ما طرحتة ريهام فى حلقتها.