القصة الحقيقية لحبس شقيقة محمد رمضان

بعد أن كثرت الأقاويل خلال الساعات الماضية عن الحكم بحبس إيمان رمضان رمضان شقيقة الفنان محمد رمضان بسبب قضية عسل مغشوش فى مطار القاهرة، وأن الحجر الصحى صادر العسل وتم الحكم عليها بالسجن سنة  ولكن الحقيقة كشفتها إيمان رمضان.

إيمان رمضان القضية ليست لعسل مغشوش

وقالت لو مصادرة العسل فى المطار كانت تبقى القضية فى محكمة النزهة  وأنا كانت قضيتى فى محكمة زينهم  والحاجة التانية أننا لم نصدر ولا مرة حتى الآن ولكن فى الشهر القادم سيكون أول صادرتنا لدولة الكويت وروت حقيقة ماحدث القصة بدأت من حوالى 6 شهور و اتعمل قضية فى مركز اسمه منيا البصل  وكان فى سوبر ماركت بيبيع منتجاتنا من العسل هناك واتسحب برطمان عسل وكان عبارة عن نقص فى البيانات المدونة عليه أو حصل سوء تخزين تسبب فى إفساد العسل.

إيمان رمضان كل اللى حصل غرامة فقط وكان نقص بيانات على البرطمان

والقضية مشيت فى إجراءاتها العادية  والشؤون القانونية كانت بتتابع القضية وانتهى الموضوع بتوقيع غرامة 10 آلاف جنيه وروحت بنفسى دفعتها والغرامة  بس الحمد لله الموضوع خلص وبيحصل فى شركات كتيرة جدا  وتحديدا اللى بتعمل فى مجال  الأغذية من ناحية سوء التخزين  لكن الموضوع بالنسبالى كبر لأنى أخويا محمد رمضان وطبعا كله ابتدا يتكلم ويربط ا بأنى أخت محمد رمضان .

وأضافت لو أنا عندى عسل مغشوش أو بصدر عسل مضروب زى ما بيقولوا كانت المحكمة أيدت حكم حبس عليا مش موضوع غرامة وبس، لكن الموضوع هو نقص بيانات على البرطمان واحنا مش هنسيب حقنا فى كل اللى حصل من تشهير بيضر بينا وبالناس اللى بتشتغل معانا .