مشكلة النهاردة غريبة سيدة عجوز عايزة تتجوز من شاب عمره 40 سنة وأبنائها مش عارفين يعملوا اية دى مشكلة وصلتنا من احدى صديقات صفحة أسمع كلام ستك وهنعرضها زى ما الصديقة أرسلتها تعالوا نعرف تفاصيل المشكلة القصة ببساطة ان امي عندها 65 سنة وعايزه تتجوز واحد عنده 40 سنة وهتفضحنا في الدنيا كلها وانا واخواتي مش عارفين نعمل اية تنصحونا بايه ارجوكم.
احنا بارين بيها جدا وعلي طول لازم حد مننا هناك بيخدمها كل يوم بيروح حد غير أولادنا داخلين طالعين عليها وبنت اختي عروسة بتبات معاها كل يوم تشوف كافة طلبتها بالليل ومش محتاجه حاجه ابدا.
وهى اتعرفت على الشاب ده من الأنترنت ومش عارفه ضحك عليها ازاي وهوة فى عمر ولادها وفجأه قالت لنا هنتجوز وحددوا ميعاد وقالت اللي مش عاجبه يولع وطبعا باينه انه طمعان فيها والله ما فارق معانا الفلوس فارق معايا سمعتي وسمعه بناتي وبنات اخواتي عاوزين حل نعمل ايه.
حل ستو من الواضح أن والدتك حصل عندها نوع من الفراغ لم تستطيعوا ملأة ومن هنا استغله هذا الشاب فى الدخول إليها من هذة الزاوية وما أكثر هؤلاء هذة الايام والحل ببساطة تحاولوا تدخلوا حد من الكبار خالك أو اى شخصية تكون مؤثرة عليها عشان يستطيع التأثيرعليها لأنها بالتاكيد مصرة على ذلك .
وكمان لازم يكون حد قريب منها يفهمها ان هذا الزواج غير مناسب نهائيا سواء من حيث السن او على المستوى الصحى ايضا في هذا الشان هناك دراسة ألمانية تحذر النساء من أن الزواج من رجال أصغر سنا يعجل من احتمالات إرسالهن إلى المقابر مبكرا، وتؤكد الدراسة التي نشرت تفاصيلها في دورية الديموغرافيا إن الاقتران بزوج أصغر سنا قد يزيد من احتمالات الوفاة المبكرة بنسبة 20%.
ولم تتوقف المخاطر عند هذا الشأن فحسب، فالزواج برجل أكبر سنا لا يقل خطورة بدوره استنادا إلى خلاصة مستقاة من بيانات ما يقرب من مليوني زوج وزوجة من الدنمارك، وتوصي الدراسة بتقارب عمري الزوجة والزوج، كأفضل خيار صحيا للزواج.
تبدأ مستشفى بداية المتكامل أول مستشفى متكامل في قلب منطقة الخدمات الصحية في شبين…
تشهد مدينة السادات، التابعة لمحافظة المنوفية، طفرة نوعية هائلة، حيث يقام معرض «سيتي فير الصناعي»…
ناقشت الباحثة أميرة قمر المعداوي رسالة الماجستير قبل أيام بمعهد البحوث والدراسات العربية بالقاهرة قسم…
تقدم فيكتور مبومبا، لاعب فريق إنيمبا النيجيرى، على بيراميدز بهدف من خطأ كارثى لشريف…
هدف طاهر محمد طاهر في مرمي صن داونز في الدور ربع النهائي من دوري ابطال…
تشكيل الأهلي اليوم .. المارد الأحمر يهاجم صن داونز في ملعبه ببطولة أفريقيا