أخوات جوزى شتمونى ..أعمل اية

زى ماعودناكم على المشاكل اللى بتجيلنا فى حال الناس ودى جاتلنا من احدى الصديقات عن معاملة أخوات زوجها تعالوا نشوف اية هى زى ما بعتتها.

معاملة اخوات زوجى سيئة

انا متجوزة بقالى ٤ سنين و معايا طفلة و كنت انا و جوزى كل اخر اسبوع نروح لاهله زيارة يوم او يومين ممكن اسبوع عند اهله و اسبوع عند اهلى فاخر زيارة لينا عندهم هو ليه اختين واحدة اكبر بسنتين و لسة متجوزتش و واحدة اصغر و ارملة .

المهم انا كنت من فترة جبت موبايل جديد فخد موبايلى القديم و قالى هيديه لاخوه الصغير موقتا لحد ما يشترى واحد جديد المهم انا حاجتى بحب احافظ عليها و كنت كل ما اروح اشوفة كاسر الشاشة مبوظ حاجة و اسكت لحد ما اخواته البنات قالولوه هنجبلك موبايل عشان اتخرجت و كان موبايلى اللى معاه جاب سوفت و شاشة و كلو فجينا و احنا رايحين فى الطريق بقول لجوزى اخوك هيجيب موبايل ممكن بقا يصلحلى موبايل و يدهولى فقالى ماشى و حسيتو اتقمص شوية ازاى ازعل ان الباشا دمرة و اطالب بيه و انا محتاجاه احتياطى فالبيت لما حد موبايله يبوز او احط عليه لعب للبنت فلما روحنا عندهم شاف الموبايل كدا عالترابيزة فمسكو و قعد يقولوا انت بوظت الموبايل و بهدلته بيلومه يعنى فمامته ردت عليه و قالتلو عادى مانت زمان بوظتله واحد و معملش حاجة فانا لما شفت الموبايل بالشكل دة اتضايقت عشان احنا ظروفنا مش مستحملة حاجة هو بقالوا ٨ شهور بدون شغل  و الدنيا صعبة فمش ناقصين خساير و قمت بصيت لجوزى اوى و متنحة فاخته الكبيرة برقتلى و قالتلى انتى بترفعى حواجبك و بتبوصيلو كدا ليه اوى احنا بنكلم اخونا و اختها قالتلها بس او يعنى عيب بس بصوت واطى فانا اتصدمت من الكلمة و سكت خالص وقعدت ابص مع بنتى و هى بتشوف كارتون فى موبايل باباها و هو قاعد و امه و اخته الصغيرة و لا حد فتح بقة و انا كاتمة و ساكتة.

زوجى بيعاملنى وحش عشان خاطر اخته

و القاعدة قفلت جامد و اتكتمت كاتمة كنت حاسة هيجيلى جلطة المهم بعتلى عالواتس قالى لو عايزة تروحى لمامتك و هو كان هيبات عندهم مش بيجى عشان بيقابل اصحابه يوم ما بنروح قومى البسى كنا المفروض هنبات و بسبب كلمتها حس انى اتضايقت فمش هيقعدنى و انا كدا المهم و انا ماشية سلمت عليهم كلهم الاهى و بعدها و هو قالب عليا جامد و مبهدلنى ازاى و ازاى امشى من غير ما اسلم عليها و انى كدا مقدرتوش و محترمتهوش كان عايزنى امشى من غير اى رد فعل و قال ايه كان هو هيجبلى حقى الفكرة هيجيبو بعدها ليه ما يجيبو فى ساعتها و كانت هتكلمنى تعتذر مثلا ومع اول زيارة هتعمل اى ارف تانى لكن انا كنت عايزة اوصلها انك غلطى فيا و انا مش متقبلاكى و لا متقبلة طريقتك الفكرة بقا انه قالب عليا جامد بيقول محترمتش البيت و لا الناس اللى قاعدة و لا هو و انى امشى من عند ماما اروح شقتى اقعد زى الكرسى متكلمش معاه و انه مصدوم فيا مع العلم عمرى ما رديت عليهم و هما لسانهم طويل بيقول كنتى ردى عليها احسن ما تعملى كدا انا مبعرفش ارد انا بقوله كنت هتجنن لو مشيت من غير ما اعرفها غلطها و مكنتش عايزة اتعامل معاها و بقولة دة ملوش دعوة بيك خرج نفسك من الموضوع هى غلطت فيا و انا وصلتلها انى مضايقة و ان المشكلة و العيب انى ارد عليها اودامكو لكن انا خرصت و قبل كدا برضو اخته التانية قالتلى اخويا ملكيش دعوة متتحشريش ما بينا و قالى زى مش عايزاهم ميتحشروش ما بينا متتحشريش بينا برضو فخدت عهد مش هتحشر لكن هى اتحشرت لما قالت بتبوصيله كده ليه….

الحل من ستو :اولا انتى أخطاتى لما اديتيلو الموبايل من الاساسولكن ماعلينا بعد اللى حصل تقوليلة انت طلبت منى متحشرش يبقوا هما كمان ميتحشروش واعملى زعلانة ولما يطلب انك تروحى هناك تقعدى ما تتعامليش مع حد الا فى حدود .