اسمع كلام ستك

بعد تداول رواد  السوشيال ميديا  فيديو طفل في الصف الأول الابتدائي وهو محمد صالح  وهو يطلب من مدرسته السماح له بالنوم لمدة ربع ساعة  وقال له والنبي ياحاجة سبيني أنام ربع ساعة، ربع ساعة بس وهعملكم اللى عايزينه وتأثر الجميع من هذا المقطع والبعض تعاطف مع الطفل وهاجم النظام التعليمى والبعض الأخر تناوله بسخرية كل ذلك فى توقيت تصريح الدكتور طارق شوقى وزير التربية والتعليم التى اكد فيها على تطوير منظومة التعليم وهو مالم يحدث خاصة فى ضوء تصاعد المشاكل مع بداية العام الدراسى فى العديد من المدارس.

أبو الطفل : مش هسيب حق ابنى 

الطفل هو  محمد صالح مرسي صالح  بأحد شوارع شبرا مصر   والده يبدو علية الحزن الممزوج بالغضب بعد انتشار هذا المقطع  لأبنه محمد الطالب بالصف الأول الإبتدائى  واكد والده أن محمد يعاني من كسر في قدمه  وقام بفك الجبس  قبل المدرسة  بعدة أيام  وطبيعى بيخد أدوية بتتسبب فى أنه يبقى عايز ينام وعندما بدات الدراسة  دخلناه وبقى إلى حد ما أحسن  وقولناله روح ووصلناه وبقي كويس ولكن تعب شوية   عشان مش متعود خاصة أنه كان فى أجازة  وطلب من المدرسة  إنه ينام ولكن للأسف تم تصويره زى ما كل الناس شافت وبقى مادة للسخرية .

حالة الطفل النفسية سيئة بعد تداول الفيديو وهو يبكى 

ونفسية ابنى بقت زى الزفت خاصة أن كل اللى يقابلة يقولة أنام ربع ساعة واستكمل والده الحديث قائلا ابني مش متشرد وابني نفسيتة فى الحديد لما عرف إن الناس بتسخر منه  ولما كل ما حد يقابله في الشارع يضحك ويقوله أنام ربع ساعةوهنعمل  محضر في المدرس والمدرسة وكل اللى شارك في إن ابنى  يتم تشويه  بهذا الشكل الغير مقبول .

هو احنا وصلنا لكدا فين وزير التربية والتعليم من اللى بيحصل ده وفين التطوير اللى قالوا علية دا وصل الحال لدرجة ان غخواته مش راضين يروحوا المدرسة هما كمان واللى الناس متعرفوش ان زميل ابنى فى الفصل كان بيدارى وشة بالشنطة عشان ميظهرش وهى بتصور ولكن المدرس زعقله وتم التصوير وانا عايز حق ابنى ومش هسيب حقه.

وبالنسبة للطفل محمد قال ان كنت بقولها كدا عشان عايز اروح لانى كنت تعبان والمدرس هو اللى صورنى ورجلى كانت تعبانى وعايز انام  ونفسى أطلع ضابط وتعالوا نشوف ستو قالت اية من خلال اسمع كلام ستك ورسالة محمد اية .