مى عز الدين فى بوست مأساوى على إنستجرام
كشفت الفنانة مي عز الدين عن العديد من المتاعب والمشاكل التي تواجهها في التمثيل وذلك في بوست نشرته على صفحتها على إنستجرام م حيث قالت لو الناس تعرف بس المهنة دي متعبة قد إيه وجواها إيه اقسم بالله كانوا يواسونا مش يحسدونا كان نفسي لقطات الكواليس متبقاش بس اللحظات النادرة للضحك ولا الهزار كان نفسي ينفع تصور عدد الساعات كأن الممثل ده آلة مش بني آدم .
وأضافت ايضا كان نفسي تصور الجو اللي بيصور فيه وهو لابس لبس عكسه تمامًا أو مطلوب منه يستحمل ويمثل يضحك الناس أو يبكيها، كان نفسي تصور المشاكل والتعب وأخلاق الناس اللي بيقابلها وتابعت أنا تعبانة قوي يا رب قويني على شغلي ويا رب العمل ينجح ويعجبكم لأن بجد ده اللي جوايا دلوقتي وكان لازم أقوله وأطلعه علشان مبقاش زي كاميرات الكواليس بطلع الحلو بس.
ومن ناحية أخرى تلتقى الفنانة القديرة بوسى مع مى عز الدين فى مسلسل البرنسيسة بيسة المقرر عرضه فى رمضان المقبل، ويكتبه مصطفى عمر وفاروق هشام، ومن إخراج أكرم فريد، وتبدأ بوسى تصوير أولى مشاهدها فى العمل خلال الأيام القادمة.
وتجدر الإشارة إلى انتهاء مى عز الدين من تصوير الأسبوع الأول من مسلسلها، والذى تنتجه شركة سينرجى، حيث تواصل التصوير بدون توقف، ويكثف مخرج العمل أكرم فريد التصوير للحاق بالعرض الرمضانى، والانتهاء من الحلقات الأولى فى أقرب وقت .
التعليقات