التخطي إلى المحتوى
عايزة أشيل فلوس من ورا جوزى

زى ما اتفقنا أن باب حال الناس ده لكل مشاكلكم سواء جمهورنا اللى على صفحة أسمع كلام ستك او من خارجها والنهاردة وصلتلنا المشكلة دى اللى بتتكرر دايما داخل البيوت المصرية تعالوا نشوفها زى ماهى .

نص المشكلة.. أدخر فلوسى فين

بصو انا معايا مبلغ وعايزه اشيله في البريد او البنك الزراعي وجوزي عارف اني عايزه اشيل فلوس بتاعتي بس مايعرفش هما كام وبيقولي لما تيجي تروحي تشيليهم قوليلي وانا اروح معاكي بس انا مش عايزاه يعرف هما قد ايه عشان بعد كده لما اطلب منه مايقوليش مانتي معاكي او يقولي هاتي من معاكي لما تفرج وهو شاف الفلوس بالصدفه اعمل ايه عشان مايعرفش هما قد ايه او مايروحش معايا للعلم انا متجبسه وهاروح اشيلهم لما افك الجبس بس انا ما اعرفش اتعامل مع بنك او بريد لأني اول مره اشيل فلوس.

حل ستو : البداية كل ماتقولية مخطئة فيه تمام انتى وزوجك لعدة أسباب اولها لان أساس العلاقة الزوجية السليمة هو الصراحة والالفة بين الطرفين إلى جانب ذلك ما هو الشئ الذى تجعلك تخفى عن زوجك خائفة أنه ميصرفش ولما تحتاجى فلوس يقولك هاتى منها هنا انتى مخطئة لابد انك تفهمية ان الفلوس دى لأى زنقة أو ظرف طارئ يحدث معكم ثم انه هو الاخر مخطئ فكيف ينظر لفلوسكوهو المسئول عن مصروفاتك ولكن يبدو أن الزمن أصبح مختلف وانقلبت الصورة تماما ولكن يجب عليكى حتى لو انك تعتقدين ان تصرف زوجك سيكون كذلك أن تقولى له بطريقة غير مباشرة وتحسسيه بالمسئولية ويخرج معكى لوضع هذة الفلوس فى افضل شئ لأستثمارها وتحديدا تضعيها وديعة حتى لا يتم فكها لفترة زمنية طويلة ومن هنا تجدى المبرر لذلك اذا قال لكى أصرفى .

المصارحة اساس العلاقة الزوجية

وللمرة الاخيرة فأن الحياة بين الزوجين لابد وان تتسم  حياتهما بالراحة والسعادة والمشاركة النفسية والوجدانية فالمصارحة الزوجية تولِّد الثقة والاستقرار وبانعدامها يعيشان في شك وخشية من بعضهما مما يهز أركان المنزل  فإن وقع تنتهي الحياة الزوجية وفى النهاية نتمنى أن نكون وضعنا حلا للمشكلة .

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *