سلفتى بتستغلنى فى شغل بيت العيلة

زى ما اعتادنا فى باب حال الناس بنستقبل كل المشاكل والنهاردة معانا مشكلة بتتكرر فى كل بيت داخل الذين يقيمون فى بيت العائلة ويتشاركون فى اعمال المنزل وتعالوا نشوف المشكلة .

بنات عاوزه اتكلم شويه وشوفوا انا غلطانه ولا لأ انا متجوزه فى بيت عيله بقالي 6سنوات وكنا انا وسلفتي (زوجة اخو زوجها )متجوزين مع بعض فى ليله انا وهي كويسين مع بعض بحكم أننا كنا زمايل فى المدرسة.

خلافاتى مع سلفتى بدات بعد سنتين

ومن سن بعض حصلت خلافات بينا كتير علي ما تعودنا علي أطباع بعض احنا أخوات حقيقي شوفنا أصعب أيام من حماتنا الله يرحمها وحمانا ربنا يهديه بنخاف على البيت وربنا يعلم بنلم فيه على قد مانقدر للعلم احنا فلاحين عندنا زربتين بهايم وطيور في كذا مكان وأرض وبننزل نشتغل فيها اللي ورا بيتنا يعني بس مش بنروح للأراضي البعيدة المهم عندنا سلفه تالته دي عكسنا خالص متكله علينا واستحملناها سنتين حمل وولاده ونزول متأخر واحنا مجربين .

لاقيناها ساقت فيها قسمنا الشغل علينا اتنين للبهايم والطيور وواحده للبيت يعني كل واحدة بتاخد أسبوعين بهايم واسبوع أكل وبرضه متكله علينا يعني ف أسبوع للبهايم لما تكون معايا انا بنزل الساعه 5 قسمين البهايم برضه انا بحلب اتنين وهي اتنين وواحده تكنس والتانيه تشيل هي بقي تنزلي الساعه 6 أو 6 ونص أكون خلصت الشغل كله مع اني كنت برن عليها وانا نازله ولما تتأخر اروح اصحي حمايا يتصل بجوزها عشان تنزل أكون خلصت يوم والتاني والتالت قولت لحمايا يقولها تنزل بدري قالها ولجوزها ومفيش فايده .

بداية اشتعال المشاكل

جيت رابع يوم نزلت متأخر وقولتلها أنزلي بدري انا مش كل يوم هاعمل الشغل لوحدي قعدت تزعق وتقول متعمليش شغلي خلصي شغلك واطلعي قولت تمام خامس يوم نزلت حلبت البهايم اللي عليا وكنست زريبه وروحت للطيور اللي عليا وهي لسه نازله فضلت تهبد وترزع وتنفخ وفضلت على كده بقي وهي زعلانه طبعا وقالبه جوزها عليا بالكلام بس انا ولا فارق معايا المهم اني براعي ربنا حاجه تانيه برضه من قيمه شهر ونص كده كنت عامله عمليه الزايده وبعدها بكام يوم  نزلت وشوفت شغلي واستلمت البيت يعني كنس ومسح وكده كنت بنزل بدري برضه واخلص شغلي وانضف المطبخ واطلع الساعه 9 اروق شقتي كنت أنزل الاقي الحوض مليان مواعين مكان جوزها مافطر ع بيتاخر شويه فى الفطار وكان عامل عمليه هو كمان مكنتش بتكلم بس كنت بتغاظ قولت والله لما تستلم البيت لا أعمل معاها كده لانها حاجه تغيظ يعني مع أنه المفروض انه ذوق لما حد يوسخ حاجه يغسلها وانا بعمل كده مع الاتنين المهم عملت معاها كده لقيتها بتزعل وتاخد جنب .

المهم أن عرفتها أن دي حاجه تزعل انا بقي استلمت البيت النهارده وعملت كده برضه وقولتلها لما توسخي حاجه اغسليها انا مش هفضل طول النهار واقفه على الحوض قعدت تزعق وتقولي متغسليش حاجه ومخلصتش منها انا كده غلطانه؟ معلش طولت انا معنديش أخوات وانتوا أخواتي وعلى فكره منفعش معاها اللين بتستهزا لما اهزر واضحك لاقيت أن أحجم العلاقه احسن بكتير.

الحل من ستو افضل الطرق أجتنابها نهائيا والأكتفاء بعملك حتى لو هى معملتش اللى وراها .