رجل بيتجوز غصب عنه..حاجة عجيبة

زى ماعودناكم فى حال الناس دايما هنسمع لكل الشكاوى اللى بتوصلنا والمشكلة اللى وصلت لستو غريبة شوية تعالوا نشوفها زى ما اتبعتت.

انا شاب من عائلة ميسورة الحال و عندي شغلي الخاص و ماديا كويس الحمد لله،و كنت مرتبط بواحدة طيبة و كويسة و كانت مطلقة و عندها بنت و طليقها سايب بنته و صعبت عليا و حسيت ان انا هكون سندها و مش ذنبها حاجة ،وفاتحت اهلي اني عايز اتجوزها بس اهلي رفضوا و قالولي ربنا يعينها و ممكن نساعدها بس مش هنقبل ان ابننا الكبير و اول فرحتنا يتزوج مطلقة و يشيل بنتها.

اهلى جوزونى بدون رضايا

المهم امي بقت تدورلي علي عرايس و تزن عليا لحد ما اختارتلي واحدة بنت عيلة كويسة و كانت ساعتها مدرس مساعد في الجامعة و محترمة. الزن علي الودان امر من السحر المهم خطبتها و انا قلبي مع التانية.

الخطوبة ما طولتش و اتجوزنا و انا مستصغر نفسي جدا ،لحد ما عرفت ان حبيبتي تعبانة روحت قابلتها و معرفش ازاي اتفقت معاها نتجوز و حصل قبل ما يعدي ١٠ ايام علي جوازي الاول.
الاولي عايشة مع امي في بيت عيلة بس شقة منفصلة و التانية عايشة في شقة بتعتي برا البيت المهم لما اهلي و اهل زوجتي الاولي عرفوا قامت حرب ضدي و غلطوني و كنت في وضع لا احسد عليه و اهل زوجتي اصروا علي طلاق ابنتهم.

الغريب ان بنتهم رفضت الطلاق و خلت اهلي يسامحوني و بعدت عني شر اهلها و قعد معايا قعدة كلها صراحة و ذكاء متناهي.

قالتلي انا مش هطلق و احسر اهلي عليا مع انهم هيشلوني فوق راسهم بس هما ما يستاهلوش كده، وانا هعيش معاك بس توعدني تحفظ كرامتي و مش عايزة اعرف حاجة عن زوجتكو لا تعرف هي عني حاجة.

حل المشكلة الفعلى للزوجتين 

الحل اولا انت اخطأت فى زواجك سواء الاول او الثانى فكيف تقبل بزواج لم ترضى عنه فقد ظلمت نفسك وزوجتك وثانيا عندما تزوجت الثانية مباشرة .

ولكن حيث اننا أمام المشكلة فزوجتك الأولى محترمة ان وافقت تعيش معك فاحفظ لها كرامتها كما حفظت كرامتك كما لايجب ان تهمل الثانية وربنا يرزقك بالذرية الصالحة .