بالفيديو .. فيفي عبده:رجعت للرقص عشان ملقتش رقاصات والست زى التعبانة

فجرت الفنانة فيفى عبده عدة مفاجات عند استضافتها فى برنامج الحكاية الذى يقدمة الإعلامى عمرو اديب حيث قالت نصيحة للسيدات وهى مفيش حد بيطول منى كلمة يعنى أنا ممكن أصاحب رجالة وما أصاحبش ستات والرجالة مش هياخدوا منى غير اللى عاوزة أديهوله يعنى  عاوز بصة أو غمزة لكن مش هتقدر تاخد منى أى حاجة غصب عنى.

وقالت للستات الست زى التعبانة مع الست مش عاوزاها تبقى أحسن منها وقالت فيفى إنها تعبت كثيراً فى حياتها وتعلمت أشياء كثيرة وأضافت  إنت شهادتك كل الناس واخداها أنا شهادتى لا لأن شهادتى شهادة الحياة الدنيا علمتنى و أنا قعدت مع الغلبان اللى مش لاقى ياكل وقعدت مع الناس الكبار.

وأضافت تعرف أنا عندى 150 عازف، وكنت أخش البروفة يقولوا المدام جات وألاقيهم واقفين كلهم وكمان أنا عمرى ما شربت حاجة.. أنا مبحبهاش ولا سجاير بس الشيشة اتعلمتها عشان كنت بعمل فيلم المزاد وخليت محمد الدراوى جوزى يعلمنى أشرب الشيشة إزاى عشان أعمل الفيلم.

وقالت  فيفى عبده أنا بحب البلاد العربية وطول عمرى برقص لهم، وبحب أحلام، ومحمد عبده، عشان ملقتش رقاصات رجعت أرقص تانى وبعدين الرقص لغة مش محتاج ترجمة، لما بييجى وفد لمصر احنا كنا بنمثل مصر برة، ووزارة السياحة كانت بتبعتنا، رحت الأرجنتين وألمانيا وتحدثت عن مدى أهمية الرقص الشرقى أضافت فيفي عبده أنها بتخاف من الحسد والسحر.