بالفيديو .. ستو تكشف الحرب الباردة بين محمد رمضان ونجيب ساويرس

بعد نجاح أغنية مافيا التى قدمها الفنان محمد رمضان ترددت اقاويل كثيرة على السوشيال ميديا أن الاغنية موجهه لرجل الأعمال نجيب ساويرس خاصة ان الاخير هو منتج أغنية كوبرا التى قامت بغنائها الفنانة بشرى وهاجمت فيها رمضان.

محمد رمضان : أنا مش مطرب بس بعمل الأغانى فى وقت فراغى

ولكن محمد رمضان أكد قائلا الأغنية دى مش برد بيها على حد نهائيا وانا عامل الأغنية دى لجمهورى، ومخلص الأوديو بتاعها من شهرين تقريبا، ومصورها من 10 أيام بس.

وبعدين أستاذ نجيب ساويرس على ما بسمع بيحب الفن وأى حد بيحب مهنتى لازم أقدره وأحترمه وإن كان أنتج مشروع بيسىء ليا، فأنا بتغاضى عن كل ذلك .

محمد رمضان : انا بحترم نجيب ساويرس حتى لو أنتج أغنية تسئ ليا

وكمان بشكره إنه متواجد فى الفن وبينتج أفلام وعنده فيلم جديد اسمه الضيف مع المخرج هادى الباجورى وبقوله أنا مش زعلان منك خالص  والأغنية دى ملهاش علاقة بيك.

وعلق محمد رمضان على نجاح مافيا واحتلالها قمة تريند يوتيوب قائلا الحمدلله واهم حاجة فى مهنتنا هى إسعاد الناس وتسلية الجمهور ودى أهم حاجة فى مهنتنا إننا نسعد الجمهور.

وقمة سعادتى و بتبسط جدا لما بأدى دور وأقدر أسعد الجمهور من خلاله و اللى أنا بعتبره المدير بتاعى وبعدين أنا ممثل بس ولست مطربا ولكن أقدم كل ما يسعد الناس.

والقصة بدأت لما  أنا عملت إعلان غنيت فيه أغنية عجبت الناس ونجحت نجاح ملحوظ وجمهورى لما عجبه الموضوع قدمت بعدها أغانى بشكل متطور أكتر، والأغانى أقدمها فى وقت فراغى مبيكنش عندى مسلسلات أو افلام  لأن الغناء ليس مهنتى الأساسية.

وبعد تصدر أغنية محمد رمضان الجديدة  مافيا لكل تريندات مواقع التواصل الإجتماعى سواء يوتيوب أو فيسبوك او تويتر وذلك لأستحواذها على أعلى أرقام المشاهدة ولكن الجديد هو انتشار رقصة محمد رمضان فى الأغنية فى كافة الاماكن لدرجة قيام بعض الفنانات بالقيام بها ومنهم مى سليم.

ومن ناحية اخرى قامت ستو بكشف كل التفاصيل الخاصة بأغنية مافيا وغيرها من التفاصيل تعالوا نشوفها من خلال اسمع كلام ستك.